ზიარება

ზიარებისთვის მომზადება მოიცავს სამ ძირითად ნაწილს: 1. მარხვა: • ზიარების წინ სულ მცირე სამი დღე უნდა იმარხულოთ • მარხვა გულისხმობს ხორცის, რძის პროდუქტებისა და კვერცხის არმიღებას • ზიარების დღეს დილით არაფერი უნდა მიირთვათ და არაფერი დალიოთ (უზმოზე) 2. ლოცვა: • ზიარების წინა საღამოს წაიკითხეთ ზიარების წინა ლოცვები (საზიარებელი კანონი) • ლოცვის ტექსტები მოიძებნება სალოცავში 3. აღსარება: • ზიარების წინ აუცილებლად უნდა ჩაიტაროთ აღსარება მღვდელთან • აღსარება ჩვეულებრივ ზიარების წინა დღეს ან იმავე დღეს ხდება

აღსარება ზიარების აუცილებელი წინაპირობაა: • აღსარება ნიშნავს ცოდვების გულწრფელ აღიარებას მღვდლის წინაშე • მღვდელი მხოლოდ შუამავალია ღვთის წინაშე — მას არ აქვს უფლება გაამჟღავნოს აღსარების შინაარსი • წინასწარ დაფიქრდით თქვენს ცოდვებზე — შეგიძლიათ ჩამოწეროთ • აღსარება უნდა იყოს გულწრფელი და სრული • აღსარების შემდეგ მღვდელი წაიკითხავს მოსანანიებელ ლოცვას • მღვდელი მოგცემთ კურთხევას ზიარებისთვის აღსარების გარეშე ზიარება არ შეიძლება (გარდა ბავშვებისა 7 წლამდე).

მნიშვნელოვანი ინფორმაცია ზიარების შესახებ: • ზიარება არის ქრისტეს სხეულისა და სისხლის მიღება პურისა და ღვინის სახით • ეს არის ეკლესიის უმთავრესი საიდუმლო • ზიარება მიიღება ლიტურგიის დროს • ზიარების მისაღებად ხელები ჯვარედინად გულზე დაიდეთ • ზიარების შემდეგ მიიღეთ ანტიდორი (კურთხეული პური) და თბილი წყალი • ზიარების დღეს შეეცადეთ სულიერ სიმშვიდეში იყოთ • ბავშვებს 7 წლამდე შეუძლიათ ეზიარონ აღსარებისა და მარხვის გარეშე • ზიარება სასურველია ხშირად მიიღოთ — თვეში ერთხელ მაინც

ზიარების მიღების თანმიმდევრობა: 1. ლიტურგიის დასრულების მოახლოებისას მღვდელი გამოიტანს ბარძიმს (წმინდა თასს) 2. მორწმუნეები რიგში დადგებიან ბარძიმთან მისასვლელად 3. ხელები ჯვარედინად დაიდეთ გულზე (მარჯვენა ხელი მარცხენაზე) 4. დაასახელეთ თქვენი მონათლული სახელი 5. გააღეთ პირი — მღვდელი კოვზით მოგცემთ ზიარებას 6. ზიარების მიღების შემდეგ მოიხოცეთ ტუჩები ხელსახოცით 7. მიიღეთ ანტიდორი (კურთხეული პური) და თბილი წყალი 8. არ გახვიდეთ ეკლესიიდან ლიტურგიის დასრულებამდე

ზიარების შემდეგ დაიცავით შემდეგი რეკომენდაციები: • წაიკითხეთ ზიარების შემდგომი მადლობის ლოცვები • შეეცადეთ მთელი დღე სულიერ მშვიდობასა და სიხარულში გაატაროთ • მოერიდეთ ცუდ სიტყვებს, ჩხუბსა და უარყოფით ემოციებს • ზიარების დღეს მუხლმოდრეკით არ ლოცულობენ • მადლობა შესწირეთ ღმერთს ზიარების ღირსებისთვის